Wani mummunan lamari ya auku a kan iyakar Jihar Borno da Jihar Yobe, inda rahotanni ke cewa wani hari daga sama da sojoji suka kai ya fada kan wata kasuwa ta al’umma, lamarin da ake fargabar ya hallaka fiye da mutane 50.
Bisa ga bayanan da ke fitowa a hankali, an ce harin ya faru ne yayin wani samame da ake kai wa ‘yan tada kayar baya a yankin Arewa maso Gabas. Sai dai abin takaici, fararen hula sun tsinci kansu a cikin harin, wanda ya jawo asarar rayuka da raunuka masu yawa
INEC ta ɗage aikin sabunta bayanan rajistar masu zaɓe a fadin ƙasa
Rahotanni masu ƙarfi na nuna cewa lamarin ya faru ne a wata kasuwa ta ƙauyen iyaka, a lokacin da jama’a suka taru domin gudanar da harkokinsu na yau da kullum. Har yanzu ana ci gaba da tantance adadin waɗanda suka rasu da waɗanda suka jikkata, amma hasashen farko ya nuna cewa mutane da dama sun mutu yayin da wasu da yawa suka samu raunuka.
Wasu bayanai makamantan haka sun nuna cewa a irin waɗannan hare-haren sama, yawan waɗanda abin ya shafa kan fi abin da aka fara zato, kuma adadin na iya ƙaruwa yayin da ake ci gaba da aikin ceto da bincike.
Wannan iftila’i ya sake jawo hankalin jama’a kan batutuwan da suka shafi daidaiton kai hari, kare rayukan fararen hula, da kuma dokokin da ke jagorantar irin waɗannan ayyukan soji a yaƙin da ake yaki da ‘yan tada kayar baya a Najeriya.
Har zuwa yanzu, hukumomi ba su fitar da cikakken bayani a hukumance ba, yayin da kiraye-kirayen a gudanar da bincike tare da ɗaukar alhaki ke ƙara ƙarfi.