Kotu ta bayar da belin mutanen da suka bayar da shedar kanzon Kurege kan kisan Dorayi

Kotun majistire mai lamba biyu da ke Nomans Land a Kano ta bayar da belin Abubakar Ali da aka fi sani da Bala da Munir Yahaya Dorayi.

A zaman kotun na yau, an bayar da belin Munir Dorayi a hannun mahaifinsa, tare da sharadin cewa mai unguwa ko dagaci ko kuma babban limamin Dorayi zai tsaya masa, inda aka tanadi biyan tarar Naira dubu dari biyar idan ya tsere.

Adana Tarihi Da Al’ada: Shugaban Hukumar Tarihi Na Kano, Arc. Ahmad Zai Karbi Kyautar Kasa Kwanan Nan

Haka kuma, an bayar da belin Abubakar Ali wato Bala Dorayi, tare da sharadin cewa babban limamin Dorayi da kuma mai unguwa ko dagacin Dorayi za su tsaya masa.

Kotun ta ɗage sauraron shari’ar zuwa ranar 4 ga Maris na 2026 domin sauraron shaidu.